O DESPERTAR DE L'ONSO

Dimpues de muito sin escribir en iste ciber espacio, me digno a fer-lo ta convocar-tos a unaa presentacion que se fará en Zaragoza iste viernes: o despertar de l'onso: Un libro escrito por diez chovens que fa una metafora de a situacion de a nuestra quiesta luenga y os suyos relatos.



Presentación en Zaragoza
L'onso despierta y lo ferá o viernes 17 d'aviento a las 19.00 horas en a recient enguerada Librería La Pantera Rossa, que se troba en a carrera Sant Vicent de Paul numero 28.

Somos 10 onsos y 13 suenios, 10 chovens totz naixius en os '80 y 13 historias en aragonés. L'aragonés despierta, como un onso.

Luenga d'onsos. Sieglos y sieglos d'hibierno, en o silencio muto d'una fosca espelunga. ¿Muerte? No, os suenios nunca no mueren. Silencio, somos dormindo. ¿Despertar? Onso que duerme, onso que despierta. Luenga que duerme, luenga que despierta. Sieglos y sieglos de primavera, iste ye o nuestro suenio.

Remera, nos viyemos...
Viernes 17 d'aviento
19.00 horas
La Pantera Rossa
C/ Sant Vicent de Paul, 28
Zaragoza

L' ACADEMIA REMATA LA PROPOSA ORTOGRAFICA

Mesmo en l'Heraldo amenixe un articlo de Manuel Castan, president de l'Academia de l'Aragonés, en o tocant a iste tema.

http://www.heraldo.es/noticias/aragon/la_academia_del_aragones_concluye_propuesta_para_nueva_ortografia.html

ARTIEDA 2010 CRONICA

Plegué en rematar de o treballo, ixo estió arredol de as 17 horas, no bi heba guaire chent pero ya se apercaciaba l'ambient de borina y compromis: chovens penchando pancartas contra l'entibo de Yesa, de organizacions como A Enrestida, SOA, Purna, BIC, Clau Roya... Escomencipió de camin a venir-ie chent que se amanaba ent'a tabierna d'o lugar ta fer-se bellas bieretas. De nueitz os Lliterans y Groovy Grandpa puncharían fendo borina y goi a totz @s que i yéranos. Un gran vidio feito por a colla venida dende a Llitera fería de codete marcando l'empencipiallo de o festival "Esfendemos a Tierra".
O sabado de meyodiyas, y dimpues de una firme borina, nos amanaríanos ent'as charradas en o cobalto de l'edificio an que ye a Tabierna. Bellas cincuanta personas seríanos a la tisba de lo que chent de Bardenas Ya (asambleya antimilitarista de Bardenas, que no Bárdenas como se encerrinan en comentar en bells meyos), Clau Roya (colectibo feminista y independentista aragonés), Aht Gelditu Elkarlana (colectibo contra o tren de alta velocidat)y a chent de Artieda nos explicarian cadagún en a suya demba y en una breu exposición que, en bells casos estió acompanyada de material audiovisual.
Dimpués asperaba a chenta en a plaza Mayor de o lugar, an que se heba acotraciau un puesto con radio an que se emitiba en directo. Asti podiemos sentir mientres chentábanos entrevistas a representants de as collas que i tanyerían de nueitz y una triga mosical de lo mas selecto.
Con os aranyons trayius dende a Franja se escomencipió a fer la gymkana antipatriarcal, an que se combinó a chuego con preguntas sobre as mullers importants mientres a historia. Quedó prou platero que a historia la escriben hombres y que encara encara queda muito por treballar ta elimnar o patriarcau.
De tardes Os Algabenaires nos ferían en o mesmo puesto " O Yayo Bolador", una obra de teyatro ta nin@s, que la levan fendo con rasmia dende fa tiempo.
A Borina, asegurada con Profés Prou, a colla de gaiters que fan lo que ellos denominan alicateo bruto, un mezcallo de cantas tradicionals, verbeneras y politicas prestas ta animar a tot qui quiera sumar-se a la borina, una ronda con istos gaiters recorrio tot o lugar, con vin y pastas.
Ya de nueitz nos amanemos ent'o pabellón an que se i fación os conciertos con China Chana, Rebell Spell, Prau, Banda Batxoki (dende Iruña) y Gen. Que decir de iste concierto con un zarpau de collas variopintas ta fer as delicias de totz os gustos mosicals. Un diez ta os organizadors y organizaderas.
O domingo estió lo diya de reseco, qui podió se amanó ta o pasavillas de os Gaiters de Chaca, que recorrión Artieda fendo ronda, y de meyodiyas a chenta popular.
Asperamos veyer-nos-ie atra vegada por asti, felicidatz a totz os que tos lo treballetz porque estió prou poliu.
NO PAS YESA.

CRONICA DE O CHARRAIRE FEST 2010- PANDICOSA

O Festival d'as luengas d'Aragón "Charraire Fest" que tenió lugar en Pandicosa, arrocló a una ripa de chent venida dende muitos puestos de Aragón. De maitins, enca que l'orache no nos acompañaba guaire, se fació a gambadeta botanica dende Pandicosa ent'o Pueyo, an que os gaiters Profés Prou i asperaban a plegada de a chent en a PLaza ta animar y fer borina con temas tradicionals de gaita de boto aragonesa y donzaina. Nos endrecemos ent'as escuelas de Pandicosa, malas que remató l'actuación gaitera, an que bi heba feria de puestos relacionados con asociacions en esfensa de as luengas y an que a colla de animación Aibadai entretenió a os mas chicotz y, prou que si a os mas grans tamién, se fación tallers ta ninos de manualidatz; a chenta estió parada por Pastores (a marca comercial d´o ternasco de Aragón) que nos afalagón con un rancho bien bueno, en o mesmo puesto. De tardes a cosa no se aturaba: pasabillas con donzainas de tardes con Profés Prou, prochección de o documental de l'asociació Parola de l' aragonés en a Bal de Tena, charradeta de l'asociación O Trango y presentación de Aragoneses por l'Aragonés (rete social por l' aragonés) de mans de Dabi Lahiguera, y l'actividat, puestar la mas asperada, a mesa redonda de periodistas que chuntó a Chorche Romance, periodista de Aragón Televisión, Mario Sasot filologo y perisodista de La Vanguardia y director de Temps de Franja, Camino Ibarz, periodista, presidenta de a Corporación de Radio y Televisión aragonesa y treballadera de a Cadena Ser-Radio Zaragoza, Maite Cortina, periodista, delegada de Uesca de a Corporación Aragonesa de Radio y Televisión, y ta rematar Eduardo Lolumo, cheografo y presentador de l'espacio de l'orache en Aragón Televisión. A Mesa estió amena, con muitisma participacion d'o publico, si bien cadagún expresó as suyas inquitutz arredol de a situación de as luengas en Aragón, se quitó una cosa platera: ha de haber mas voluntat ta que amaneixca o catalán y l'aragonés en os meyos. Un poquet feble, a intervención de Maite Cortina, que no heba parau guaire a suya exposición y deixó veyer cómo esbarizaba en bells argumentos.
Se fació entrega de o Premio Esnabesar a Fernando Otal, "Fernandón", de Barbenuta por a suya trachectoria de fidel esfensor de l'aragonés, fendo lo posible ta mantener-lo vivo, y tamién a os ninos de o colechio publico de L' Ainsa Asunción Pañart, que estudean aragonés, por a suya faina, lo recullió lo suyo mayestro Javier Vispe.
De nueitz, dimpués d'a cena, se desembolicó a obra de teyatro Mullers, feita por as mesachas De qué Coda!, que esfendión ista obra con firmes ganas, ixo se contrimostró en una sobrebuena actuación y un millor treballo. A obra trató diferens relatos de escritoras aragonesas: Nieus Luzia Dueso, Pilar Benitez, Ana Abarca de Bolea, Carmina Paraiso, dentre atras... fendo a dramatización de istos escritos, acompañaus de mosica tradicional, mesmo Natalia cantó una canta bien pincha que fació goi a totz os presents...
De nueit, audición en A vieja Mina, con punchadiscos: Femeral Brothers, que amenizón a vilada dica altas horas.
En resumen un exito, agora a continar...
¡Norabuena a Ara Cultural por a organización de l'evento!Qu´en sían muitas mas...


Noticia en o Diario de l'Alto Aragón:

http://www.diariodelaltoaragon.es/NoticiasDetalle.aspx?Id=635044

Pandicosa aloixará a primera edición d’o “Charraire Fest 2010, a fiesta d’as luengas d’Aragón”

Una chornada d’actividatz a l’aire libre arredol d’as luengas d’Aragón se i celebrará o venient 12 de chunio achuntando ciudadans y asociacions intresaus en a nuestra cultura


O programa, un chicot video de presentación y noticias sobre “Charraire Fest 2010” se pueden trobar en a web: www.charraire.org u en Facebook "Charraire Fest"


Pandicosa allotjarà la primera edició del “Charraire Fest 2010, la festa de les llengües d’Aragó”

Una jornada d'activitats a l'aire lliure entorn de les llengües d'Aragó tindrà lloc el pròxim 12 de juny reunint a ciutadans i associacions interessats en la nostra cultura

El programa, un petit video de presentació i notícies sobre "Charraire Fest 2010" es poden trobar en la web: www.charraire.org o a Facebook "Charraire Fest"

ISRAEL ESTAU CHENOCIDA

Devant de as enrestidas que leba fendo l'Estau de Israel contra o Pueblo Palestino: esferrando, zabucando personas, vedando a dentrada de alimentos, estricallando mesmo espitals con bombas, que de seguras vendrán de bell país occidental... y a enrestida que plega de fer l'exercito de Israel a una colla de chent pacifista en auguas internacionals, no queda que definir a l'estau de Israel como asesino y chenocida. A custion ye que a comunidat internacional chista y no ditz mica, EEUU refirma a o gubierno sionista y a resta, por intreses callan.
Os meyos de comunicación no pueden acceder a muitas zonas de o conflicto, y as noticias que nos plegan son contaminadas por os poders y as ordens que vienen de alto. ¿Cuanto tiempo remanirá o Pueblo Palestino con o silencio de Occident?
¡Entalto Palestina!

Socializacion de/en l'aragonés ye posible

Hueit ubre as puertas de traza oficial un nuevo prochecto cooperativo con tot o suyo conteniu en aragonés, se trata de una tavierna-creperia en o zaragozano vico de a Madalena, o suyo nombre ye A Flama. Con un puesto privilechiau, en o centro de a ciudat (Carrera Mayor 53, en frent de a FABZ) iste espacio nos va a ufrir a posibilidat de endrezar-nos enta totz os suyos socios en aragonés, atamás de disfrutar de os productos que nos van a ufrir, dentre os que destacan sucos naturals, crepes u gofres, cafés y batius. Quieren que sia un puesto de trobada an que bi haiga posibilidat de fer exposicions, presentacions y asinas asinas.
Ye una apuesta en o social y en o tema lingüistico, istos chovens creyen en a posibilidat de fer un puesto an que a chent se i amane a charrar, de vez que se fa un pincho u una crepe; ya en existen bell uns como a escuela Nogará, an que os l'alumnalla y os socios pueden trobar-se-ie a charrar, o Z.S.A. A Enrestida tamién en a Madalena ye atro eixemplo, dica fa bien poquet o bar Entalto (a carta que presentaban no fa guaire yera en aragonés, Ara Cultural (interpresa de diseño que treballa por a luenga),y de seguras bell una más que se me ixublida son eixemplos de apuestas en pro de a socialización n'aragonés.
Dende aqui les quiero deseyar tot lo millor.
Que no se amorte a flama...

Un instituto de Tarazona reclama la enseñanza del aragonés

Un grupo de profesores y alumnos del instituto de educación secundaria Tubalcaín, de Tarazona, ha presentado una solicitud a la consejera de Educación para que se incluya la asignatura optativa de lengua aragonesa en el sistema educativo aragonés y especialmente en su instituto. Por iniciativa propia han recogido firmas de apoyo en el centro.

La idea surgió de algunos alumnos y profesores tras una charla sobre la lengua aragonesa en el IES Tubalcaín. Los profesores se encargaron de recopilar las firmas de los alumnos que querían apoyar esta iniciativa, bien porque se plantearían cursar la asignatura, bien por posibilitar a sus compañeros esa opción. De esta manera se han recogido 309 apoyos por parte de los alumnos, de un total de 700 (el 44%), y 28 por parte de los profesores, de un total de 79 (el 35%). "Esto significa un gran apoyo a la iniciativa, sobre todo teniendo en cuenta su espontaneidad y la escasa, por no decir nula, promoción de la cuestión por parte de las instituciones", señalan los organizadores.

La solicitud se presentó el 22 de abril en el registro de la DGA de Tarazona, y en su texto se hace referencia a la recién aprobada Ley de Lenguas de Aragón, con una especial mención a la difícil situación que la lengua aragonesa padece tras "varios siglos de ostracismo y desprecio, aun siendo ésta la lengua de cultura del reino medieval de Aragón". De algún modo se pide el apoyo de las instituciones a la voluntad de los jóvenes aragoneses de, al menos, conocer la lengua histórica de nuestro territorio, y de poder emplearla para darle la vitalidad necesaria que evite su extinción. Esta solicitud se basa, principalmente, en el punto k del artículo 20 que prevé la enseñanza optativa en territorio que no sea de uso predominante si la demanda es suficiente.

A raíz de esta petición se ha creado el perfil en la red social Facebook Aragoneses por l’Aragones, relacionado con el portal http://www.porlaragones.org creado hace dos cursos, que sirva a docentes, estudiantes, e incluso padres, para articular solicitudes siguiendo el ejemplo de esta iniciativa.

Contacto: aragoneses@porlaragones.org

http://www.diagonalperiodico.net/aragon ... clama.html

Anviestas d'a Val

Dimpuesas de as plebias que plegan de cayer, a imachen de a Val ye repolida, una color verda bien raixosa. L'altro diya, cuan l'orache me deixó puyé ascape ta o mont asperando trobar-me buenas panoramicas de a Val de Baztan, y a la fin asinas pasó, o sol brilaba firme y no bi'n heba de nubes.
Asperemos i remana bells diyas ta poder disfrutar iste chicot paradiso, que deixo aquí ta que disfrutez como yo lo facié en quitar istas fotos.

MOSICOS POR UN ARAGÓN TRILINGÜE

FITAS PIRINENCAS

Fa bells anyos a fusta que se tallaba en as vals de o Perineu yera baixada y carriada dende alto por os rios convertida en nabata enta las ciudatz de o llano ta vender-la, una traza de aprofitamiento de os recursos naturals y una economia de supervivencia de as vals pirinencas (Echo, Roncal, Aezkoa, Galliguera...)
Baixada de nabatas dende Echo lo diya 9 de mayo dende as 13 horadas por o rio Aragón Subordan, con un recorriu de altubaixo 3 kilometros que se encetará en Lo Pozo de lo Molino y rematará en Lo Puent Viello. De a mesma traza iste cabo de semana os vecins de la Val de Roncal tirón ta o río Esca as suyas almadias, una fita prou vistera que arrocla a milenta de personas ta veyer como baixan os camals feitos balsa por o río.
L'asociacion de nabateros d'a Galliguera ya fació fa bell.as dos semanas a suya huitena baixada por o rio Galligo dende Morillo de Galligo dica o puent de Santolaria, una baixada un poquet mas embolicada que no atras vegadas, por un caudal muit baixo, pero que a la fin salio como se asperaba. A nabata contaba con hueito tripulants, siet de a Galliguera y un de Echo.
De fitas en charramos, iste cabo de semana en a Val de Baztan (Nafarroa) se feba una trobada arredol de un instrumento pirinenco: o salterio u chicoten (en Aragón) u ttun ttun como se diz en Navarra. Un instrumento que consta de una caixa de fusta con cuerdas, que se percuten en tocar-las con un palo, dando un ritmo mientres con l'altra man se tanye o chiflo. Evento que i trayó a chent (mosicos y danzantes) de Bearn, Navarra y Aragón. O viernes de tardes, charrada sobre a historia de iste instrumento, y mientres sabado y domingo se fación bells pasabillas en puestos sinyalers como Arizkun u Elizondo.

Primavera rondadora

"Por la tierra del Buxo pasó
de camino hacia las Treserols,
golondrinas la anuncian al alborear
pero aquí no ha sabido llegar.

¡Primavera, no tardes, mujer!
¡Rondadora, más que rondadora!
Todo un año soñando con volverte a ver;
has llegado, y te vas otra vez."

La Ronda de Boltaña.

Con istas estrofas resumo lo mio sentir, encara no ye plegada de tot, enca que a calor ya se ha amanau; asperemos que de aquí a una semana pueda veyer os monts bien pinchos con ixa color verda plastidecor. A semana venient prebaré de puyar t'o mont y fer una ripa de fotos d'as ambiestas de a val, que si ya ye polida agora mesmo, en bells diyas nos ufrirá o suyo rostro mas raixoso.
¡A disfrutar de os diyas de buen orache!

A Morra u murra

Buen cabo de semana en a III Trobada de carboners en Cerveruela, conciertos, corrida de pollos con gaiters, recreación de carbonera, danzes de Bujaraloz y Herrera, y... morra de nueitz. No he puesto asperar ta veyer por o rete de an veniba y an quedaba encara.

Iste viello chuego se ha desembolicau en diferents puestos, y o suyo empencipiallo no ye esclatero, seguntes a wikipedia se remonta a Echipto, an que amaneixe un debuixo en un fosal de un emperador chugando-ie, y que se alza en o Museu de Berlin. Tamién en Grecia en amaneixe bell un, en os tiempos de l'imperio romano se deciba "micatio et digitis" chuego de devantar os didos, mesmo en Asia (China, Mongolia) y en Marruecos bi' n ha de repuis que contrimuestran que astí tamién se i chugaba. Pinturas como o cuadro que se atruye a Johann Liss de 1621 (Galeria Reyal de Kassel), ye altra muestra.

A morra u murra ye un chuego tradicional de mutios puestos de o mundo, pero tamién de países de l' antiga Corona de Aragón: lugars de Castelló, Aragón (Teruel mas que mas), Catalunya: redolada de Deltebre, muit famoso en Sant Carles de la Rápita por eixemplo, an que bi ha collas que se i adedican, y Sardigna (Cerdenya) talment o país an que mas se conserva. Ye un chuego apaixiu a os chinos pero chugando nomás con os didos, quitando dentre dos personas a man de vez, escomencipiando, cheneralment con a man dezaga de a espalda, se chila o numer de didos que creyes van a salir-ie y se conta os que i salen. Qui encerta o numero de didos que i amaneixen gana. Gosa de haber una traza especial de amostrar os didos (meto o link en o cobaixo unos vidios ta que se veiga como lo fan). A puntuación minima ye dos y a maxima ye 10 (“todas” se chila) as dos mans ubiertas, una de cada chugador. A ormino, as partidas son de 21 puntos.

En Sardigna ye muit famoso y gosa de haber-ie Torneus, como uno que se fa en Urzulei, an que bel la vez han estau chent de Sant Carles de la Rápita participando-ie.

Puestos an que se puet trobar informacion.

http://jocs.org/pdf/la%20morra2.pdf
www.laiglesueladelcid.net/pdf/MORRA.pdf
http://es.wikipedia.org/wiki/Morra
http://www.samurra.eu/campionau.php?ed=0&l=2
http://www.dailymotion.com/video/x315u2_bezas-teruel-la-morra-juego-tradici

TROBADA DE CARBONERS- CERVERUELA (ARAGÓN)

Iste cabo de semana venient se fa a fer a 3 trobada de carboners, en Cerveruela, lugar prou pincho en o preto de o campo de Daroca, aman de Mainar, l' anyada pasada se fació en un lugar de a Val de Lana en Nafarroa, Viloria se deciba. Podremos trobar exposicions, mercadillo artesanal, presentación de o libro Retizones, corridas de pollos un evento muit tradicional en totz os lugars de a cheografía de o País, animación, gaiters... y de nueitz concierto con A Ronda de Boltaña, China chana, y Gen. Tot parau por a chent de o lugar organizaus en l'asociación La Chaminera que humea.
Dixo lo link de o blog de a Trobada:

www.trobadacarboneros.blogspot.com

Atamás o cartel se ha feito en trilingüe, en as tres luengas de Aragón: castellano, aragonés y catalán.
Nos i veyemos o cabo de semana.
Que vaiga bueno.

Manubles No Rebla

En veyendo que no se ha feito garra cronica me atrevo a fer una chicorrona fita de lo que bi alcurrió. A cuatrena edición de o festival contra la mina de Borobia (y o fosal nuclear de Torrubia), en Villaluenga, en a redolada de Calatayut en as marguins de o Manubles, estió una borina an que se trobó chen de totz os puestos y de toda mena, arredol de tres cientas personas seguntes os mios güellos. Distribuideras de material como Güembras Foscas, Distribuciones Genosas, dentre atras que de seguras me ixubliu, asociacions como A Enrestida, puestos de chambretas feitas a man Gresca, chent de a redolada y foranos. Escomencipió Prau a la hora que se heba planteyau si fa u no fa, sobrebuenos como no puet estar de atra traza: chent compromesa en veras, en pro de l'autochestión y que diya par d' atro se reafirman en o suyo esmo (muitas gracias estar asinas, toda una lición de coderencia), continón Proyecto Kostradamus, dende Mostoles, colla de street punk cereño y contundent, A Jako Pako, colla de punk la siguió y contino se amanón por l' escenario Subversión X, colla historica bilbaina de punk, que en a mia opinión no estión a l' altaria de lo que se podría asperar, se leyó un manifiesto feito por a chent choven de a redolada ta deixar esclatero o refuse a proyectos como a Mina de magnesitas u o fosal nuclear, y ta rematar una colla prou chovena, pero de gran calidat, de ska-reggae de Zaragoza: El Último Skalon, que ta estar os zaguers fación un poder ta rebiscolar a una parte de o publico que se eba sondormiu con a colla anterior, y que lo consiguión, bailes y blincos , arredol de as siet de o maitin, metión a fin de iste festival que fa onra ta donar un poquet de vida a lugars que china chana se van amortando y esbafando. Trobé a faltar un poquet de conteniu en o Festival, en altras edicions se veniba fendo una charrada de tardes, y que en ista yera planificada pero no se plegó a fer-la. Mesmo de exposicions bi´n han habiu y que iste anyo no se'n alufrón por garra cabo. Con tot y con ixo un exito de participación.

Chornadas de as luengas de Aragon

Nogará celebra iste anyo as XVII Chornadas por as Luengas d'Aragón, contando en o programa con chen de o País como Pepe Lera de a colla Val d' Echo, Pilar Benitez incansable treballadera, escritora esfensora de l' aragonés y chen fablán de atras luengas como ye o caso de o famoso y polifacetico Xune Elipe, cantant de a colla asturiana Dixebra, represenants de a Coordinadera de Ikastolas de Navarra, Laurent Abrate que nos charrará de a situación de l' occcitano gascón chunto con Fernando Blas y Fernando Romanos, que no en amenistan de presentación, dentre atros se i amanarán ta contar-nos experiencias arredol de as luengas.
Dende o 9 dica o 17 de abril en o cenro cultural Joaquín Roncal en a carrera Joaquín Roncal, en Zaragoza.

Festival contra la mina de Borobia.

6 eno CABO D' ANYO DE FENDO ORELLA.

FELICIDATZ!!! ¡¡Que' n sían muitos más!!
Adchunto programa de chornadas por o 6 eno cabo de anyo.

OS CAGOTS U AGOTES

Dende muitos sieglos ta zaga os agotes u "cagots", palabra de o bearnés que significa perro godo, sufrión a exclusión y vivión en guetos sin poder reyalizar as fainas cutianas con normalidat. L'orichen de ista comunidat de personas no ye guaire platero, bi ha bellas teorías, una de ellas ye que yeran godos, bien desertors de bel exercito u chen que se acubilló en as vals vascas y más que más de Navarra: Roncal y Baztan, más en concreto o bico de Bozate de Arizkun en ista zaguera Val, encara que en atros puestos bi' n habría atras comunidatz, y atra teoría se alaceta en la ideya de que yera chen fuyida dende Francia por custions relichiosas veyase a persecución que sufrión os cataros de mans de a Ilesia catolica.
Os agotes viviban marguinaus en os lugars, en lo que más tarde pordría denominar-se guetto, no podían exercer as profesions librement, ye dicir que no podeban treballar en aquello en lo que dimpués podese contaminar a la resta de a "chent pura" por ello se adedicón a treballar a talla de fusta, una mala conductora de malotías, y a profesions liberals relacionadas con os treballos manuals, piquers y mosicos (txistularis y tabalers) dentre atras. A la chent le feba miedo que os agotes podesen contachiar a lepra, por ello apartaban en a ilesia os agotes de la resta, por meyo de cletas, u posando-se a o fundo de ista en bancos diferents. Tamién teneban atras puertas por do podeban dentrar-ie, heban de portar siñals visteras que los esferenciasen, siñals como garras de pato u oca de color roya en as ropas. y no podeban pisar o sulerosdescalzos baixo pena de cremar-les os pietz.
Os agotes estión mientres sieglos excluyius y isto favoreció a suya endogamía. Bi ha chent que diz que os agotes teneban unas caracteristicas fisicas propias, parellanas a chent centro europea, aqui deixo una fita de Pio Baroja sobre o suyo aspecto fisico:

"cara ancha y juanetuda, esqueleto fuerte, pómulos salientes, distancia bicigomática fuerte, grandes ojos azules o verdes claros, algo oblicuos. Cráneo branquicéfalo, tez blanca, pálida y pelo castaño o rubio; no se parece en nada al vasco clásico. Es un tipo centro-europeo o del norte. Hay viejos de Bozate que parecen retratos de Durero, de aire germánico. También hay otros de cara más alargada y morena que recuerdan al gitano".

Atra carateristica que se comenta son os lobulos de as orellas pegaus a lo rostro. Pero por atro costau atros autors sostienen que no bi ha una relación dentre l'aspecto fisico y o feito de estar agote, nomás a exclusión.
Dica l'empencipiallo de o sieglo XX vivió a mayor comunidat de agotes en Bozate, bico de o lugar de Arizkun. Muitos de ellos antesmás plegón a integrar-se en a sociedat leixos de os puestos de naixedura, en l' actual Comunidat Autonoma Vasca u muitos atros en America, an que no esistiba ixa discriminación.
Agora bi ha chent como l' escultor de Arizkun Xabier Santxotena, que mostran argüellosos a suya condición de agotes en o suyo museu en o mesmo lugar.
Muit posiblement de agotes bi'n hese en Aragón, prou que sí, y seguntes autors plegan a igualar o numero al de Navarra, enca que en Aragón no habría estau tan fuerte ixa discriminación y simplement se hese feito un trestallo de comunidatz.

MUERE NIEUS LUZÍA DUESO LASCORZ

Ista semana pasada, o cuatro de marzo, nos deixó una de as mullers que más ha treballau por a nuestra luenga, l' aragonés, Nieus Luzía Dueso Lascorz. Chistavina de naixedura, escribió libros tan siñalers como La fuen d'a siñora, A'l Canto'l Zinqueta, y asinas asinas. Estió mayestra mientres la suya vida, miembro de o Consello d'a Fabla Aragonesa, nombrada Academica de Honor de l'Academia de l'Aragonés en 2007. O feito de estar esfensora de una luenga minoritaria y atamás estar muller en un mundo de hombres la reconoixen como eixemplo de treballo contino. O compromís con a suya Val y a suya luenga no ye por demás, os /as que aquí nos quedamos continaremos empentando a luenga que ella tanto querió.
Gracias por tot.

SEGUNDO GRAN NEVAZO

Van dos en iste anyo nuevo, malas que me he dispertau y he ubierto as finestras he puesto alufrar una napa blanca que cubriba totz os mons y as casas de o lugar. Güei atamás he de salir con auto de o lugar, más que más ta treballar y no sé si por atros puestos y cados habrá nevau como en a Val. Veyeremos cómo va o diya y asperemos que no bi haiga guires accidens.
En breu bi adibiré fotos de o nevazo.

CONZIERTO ARAGÓN TRILINGÜE

Conzierto de cantautors por un Aragón Trilingüe.
Por a cooficialidat. Charramos y no reblamos.

Concierto de cantautors en o Refugio del Crápula C/Mayor, biernes 15 de chinero, 20:30 oras.

Maria José Hernández (castellano)
Déchusban (aragonés)
Temps al Temps (català)

Organiza: Nogará con l' aduya de Magofermín.

¡FELIZ ANYO 2010!

Mal orache, nieu, plebia, fredor... a dentrada de o nuevo anyo ha estau un poquet fulera.